عبدالعزيز السلاموني
هو إيه اللي بيحصل في كل المواقع العربية، ووكالات الأنباء العالمية بالظبط!؟
وليه رسالة الرئيس السيسي لكيم جونغ أون.. رئيس كوريا الشمالية عاملة كل الهوجة دي!؟
استنوا بس..…
الرئيس السيسي بعت رسالة تهنئة إلى كيم جونغ أون – زعيم كوريا الشمالية – بمناسبة ذكرى تأسيس بلاده.
الرسالة مش مجرد «كل سنة وإنت طيب»، والسلام.…
السيسي بيتكلم عن عمق العلاقات التاريخية، والصداقة بين مصر وكوريا الشمالية. وبيقول إنه يتطلع إلى تعزيز العلاقات الثنائية، وتطوير التعاون المشترك في مجالات مختلفة.
طيب هنا السؤال:
ليه المواقع والقنوات العربية والأجنبية.. اتعاملت مع الرسالة، وكأن القاهرة فتحت باب النووي في المنطقة!؟
لأن التوقيت نفسه يستحق التوقف..
من كام يوم فقط ..…
شي جين بينغ كان في القاهرة.. في زيارة دولة – هي الأولى له – لمصر منذ عشر سنوات. وجاءت في الذكرى السبعين للعلاقات المصرية-الصينية.. وسط حديث واضح عن تعميق الشراكة، والتنسيق في الملفات الإقليمية والدولية.
وبعدها مباشرة…
رسالة من القاهرة إلى كيم جونغ أون، تقول له بوضوح: العلاقات القديمة بيننا.. لسه موجودة، وإحنا عايزين نطوّرها!
وهنا بقى بدأت بعض العيون تزوغ!
لأن كوريا الشمالية.. مش دولة عادية في الحسابات الدولية.
دي دولة نووية، وعلاقتها بالولايات المتحدة شديدة التوتر، وأي تقارب سياسي معها.. بيُقرأ في واشنطن وتل أبيب.. بعين مختلفة تمامًا.
والأخطر؟
إن مصر أصلًا.. عندها تاريخ طويل مع كوريا الشمالية، والعلاقات الدبلوماسية بين البلدين ممتدة لعقود، والقاهرة وبيونغ يانغ.. ما قطعوش الخيط الدبلوماسي.
فهل الرسالة معناها.. إن كيم جونغ أون.. جاي مصر؟
… وارد جدا، نشوفه فى مصر طبعا، وقريبا جدا كمان…
وتخيل بقى لو في يوم من الأيام.. صحينا على خبر:
«الرئيس الكوري الشمالي كيم جونغ أون.. يصل القاهرة في زيارة رسمية».
ساعتها مش بس المنطقة هتتكلم.…
واشنطن هتتكلم!… تل أبيب هتتكلم!… والإعلام العربي كله هيقعد يحلل: مصر بتعمل إيه!؟
والسؤال هنا:
هل مجرد التقارب المصري.. مع الصين وكوريا الشمالية.. يزعج واشنطن وإسرائيل فعلًا؟ ولّا إحنا بنكبر الموضوع.. أكتر من اللازم؟
قولوا رأيكم… بس بالله عليكم من غير خناقات نووية في الكومنتات!
#متقرفناش_عبدالعزيز_السلامونى #شير
