دخل مركز جامعة المنصورة للحفريات الفقارية في مصر موسوعة جينيس للأرقام القياسية بعد اكتشاف حفرية أصغر حوت في مملكة الحيتان القديمة.
واكتشف فريق بحثي بقيادة علماء مصريين الحفرية، التي سميت “توتسيتس” على شرف الملك الفرعوني الشاب توت عنخ آمون، في صخور يعود تاريخها إلى حوالي 41 مليون عام.
وقال عالم الحفريات المصري ومؤسس المركز البروفيسور هشام سلام: “إحنا سعداء جدا إن جامعة المنصورة يُخلد اسمها في اكتشاف كبير جدا (دخل) موسوعة جينيس للأرقام القياسية من حوالي شهر تقريبا، وهو عن أصغر حوت في مملكة الحيتان القديمة إللي أُطلق عليه سنة 2023 توتسيتس أو حوت الملك توت عنخ آمون، حوت عمره 41 مليون سنة، مش بس كده لأ ده هو من أصغر الحيتان إللي عاشت في الوقت ده لما كانت مصر مغمورة تحت قاع المحيط”.
وجاء على الموقع الإلكتروني لموسوعة جينيس أن الحوت المكتشف يبلغ طوله 2.5 متر.
وتابع سلام: “توتسيتس هو من أوائل الكائنات البحرية، أو الثديية البحرية، من الحيتان إن هي تنقل معيشتها تماما من البرمائية لتبقى (لتصبح) كاملة المعيشة في الماء، وده شوفناه بالصفات التشريحية المختلفة لهذا الكائن العجيب، فمن هنا من أول توتسيتس، شد خط كده، مفيش حيتان هتبقى برمائية مرة أخرى أو حيتان بتعيش على الأرض خلاص”.
واكتُشفت الحفرية في وادي الريان بالفيوم عام 2023 ودخلت موسوعة جينيس في أكتوبر تشرين الأول 2024.
وأضاف سلام “هو طبعا أهمية الاكتشافات إللي زي دي بتدينا نوع من نداء الاستيقاظ يعني ننتبه شوية ليه؟ لأن إحنا بنقرأ زي ما قلت لحضرتك إحنا بنقرأ الماضي بعيون الحاضر عشان نعرف إيه إللي هيحصل في المستقبل، فممكن إحنا عارفين إن مصر كانت قاع محيط، ده كان عشان كان فيه احتباس حراري قديم، ممكن يحصل احتباس حراري دلوقتي وبيحصل دلوقتي حاليا ووتيرة الاحتباس الحراري دلوقتي سريعة يعني ممكن في خلال سنوات، يعني مثلا 100 سنة، نقدر نشوف التأثير الضخم من الاحتباس الحراري على سواحل القارات، من ضمنها مصر”.
